Берлин: Украинанын коопсуздугу менен аймактык бүтүндүгү талкууланды

Украина НАТОго кошулуу мүдөөсүнөн баш тартышы мүмкүн. Мындай сунушту Берлиндеги сүйлөшүүлөрдүн алдында президент Владимир Зеленский киргизгенин айрым медиа жазды. Ак үйдүн чабарманы Стив Уиткофф жекшемби күнкү жолугушууда "олуттуу прогресс" болгонун билдирди. 15-декабрда немис баш калаасындагы сүйлөшүүлөр уланып, ага европалык жетекчилер кошулду. Согушту токтотуу аракеттери уланып жаткан чакта Орусия кошуна өлкөсүнүн энергетикалык инфраструктурасына соккуларын күчөттү.